Azərbaycan Radiosunda FM 105 tezliyində səslənəcək “Axşam görüşləri” verilişinin növbəti buraxılışı görkəmli opera müğənnisi, SSRİ Xalq artisti Lütfiyar İmanovun xatirəsinə həsr olunacaq.

Müasir Azərbaycan mədəniyyətinin görkəmli nümayəndəsi Lütfiyar İmanov milli musiqinin inkişafında müstəsna xidmətləri olan sənətkarlarımızdan idi. Onun klassik opera sənəti və xalq musiqisinin vəhdətindən bəhrələnən yüksək ifaçılıq məharəti Azərbaycan vokal sənəti tarixində yeni bir mərhələ təşkil edib. Lütfiyar İmanovun adı opera səhnəmizdə aparıcı partiyaların ifaçısı kimi musiqi salnaməmizə həmişəlik həkk olunub. 2008-ci il yanvarın 21-də dünyasının dəyişmiş unudulmaz sənətkarın mədəniyyətimizin inkişafındakı xidmətləri nəzər alınaraq o, müstəqil Azərbaycanın “İstiqlal” ordeninə layiq görülüb.

Lütfiyar İmanovun çoxşaxəli fəaliyyətinə həsr olunan verilişi aprelin 15-i saat 21:30-da və aprelin 17-si saat 23:00-da FM 105 tezliyində dinləmək olar.

© Bütün hüquqlar qorunur. Xəbərlərdən istifadə edərkən www.nizamimuseum.az saytına istinad zəruridir.