Aprelin 5-də saat 20:20-də AZTV-nin Mədəniyyət kanalında yayımlanacaq "Vətənim" verilişinin növbəti buraxılışı görkəmli yazıçı və dramaturq, ictimai xadim Cəlil Məmmədquluzadəyə həsr olunacaq.

Verilişdə görkəmli yazıçının "Kamança" pyesindən, həmçinin ədibin öz kamançasından - ömrünün son illərində tez-tez çalaraq ürəyini boşaltdığı, indi isə Nizami muzeyində ondan qalmış digər yadigarların arasında yer alan kamançasından bəhs olunacaq.

Qeyd edək ki, ədəbiyyatımızın solmaz incilərindən olan “Kamança” pyesi xalqımızın tolerantlığını və multikultural mahiyyətini üzə çıxaran bir əsərdir. Bu əsərdə xalqımızın dəyanətli və rəhmli olması dünyaya nümayiş olunur.