2015-ci il iyunun 4-də AMEA Nizami Gəncəvi adına Milli Azərbaycan Ədəbiyyatı Muzeyində muzeyin Gənc Alim və Mütəxəssislər Şurasının təşkilatçılığı ilə  Xalq şairi Bəxtiyar Vahabzadənin 90 illik yubileyinə həsr olunmuş “Milli dəyərlər və istiqlal uğrunda mübarizələr” mövzusunda elmi konfrans keçiriləcək.

Konfrans çərçivəsində aşağıdakı mövzuların müzakirəsi nəzərdə tutulur:

• Bəxtiyar Vahabzadə və Azərbaycan ədəbiyyatında vətənpərvərlik mövzusu
• Bəxtiyar Vahabzadə və Azərbaycan dramaturgiyasında tarixilik
• İnsan konsepsiyası və bədii qəhrəman
• Türk dünyası ədəbi əlaqələrinin keçmişi və indisi
• Müasir Azərbaycan ədəbiyyatında sənətkarlıq problemləri

Məruzə tezislərinin tərtib olunma qaydaları:
- Mətn Microsoft Word for Windows redaktorunda (Times New Roman (Az.latın) şriftilə - 12ppt, sətrlərarası interval – 1,5) yığılir, A4 formatlı standart (210x297 mm) ağ kağızda çap olunur;
- Tezisin mətni 2 səhifəyə qədər olmalıdır;
- Mətnin əvvəlində məruzənin adı, altında müəllifin soyadı, adı və atasının adı, onun altında isə iş yeri və elektron ünvan göstərilməlidir.
Məruzə tezislərinin qəbul olunması üçün son tarix: 15 aprel 2015-ci il

Təşkilat komitəsi tezislərin seçilməsi, mətndə düzəlişlərin edilməsi (ümumi məzmununu dəyişmədən), məruzələrin geri qaytarılması hüququna malikdir.

Təşkilat komitəsinin koordinatları:

Ünvan: AZ1005, Azərbaycan Respublikası, Bakı şəhəri, İstiqlaliyyət küç., 53

Tel.: (994 12) 4923179

E-mail: konfrans_b.vahabzade@mail.ru