Fevralın 2-də AMEA Nizami Gəncəvi adına Milli Azərbaycan Ədəbiyyatı Muzeyində Gənclər Gününə həsr olunan tədbir keçirilib.

Tədbirdə muzeyin Gənc Alim və Mütəxəssislər Şurasının sədri Nəzmiyyə Yigitoğlu əsası ümummilli lider Heydər Əliyev tərəfindən qoyulmuş 2 fevral - Gənclər Gününün tarixindən danışıb. N.Yiğitoğlu elmi-tədqiqat müəssisələrində gənc alimlərin fəal surətdə elmi axtarışlara qoşulduğunu, akademiyanın ictimai-siyasi həyatında gənclərin rolunun yüksəldiyini bildirib.

Daha sonra çıxış edən muzeyin Gənc Alim və Mütəxəssislər Şurasının sədr müavini Kəmalə Nuriyeva ölkəmizdə gənclərlə iş sahəsində görülən tədbirlərin Azərbaycan gəncliyinin inkişafına təkan verdiyini, onların cəmiyyətdə özlərini təsdiq etməsində böyük rol oynadığını bildirib.

© Bütün hüquqlar qorunur. Xəbərlərdən istifadə edərkən www.nizamimuseum.az saytına istinad zəruridir.