Məlum olduğu kimi, 10-14 Oktyabr 2016-cı il tarixlərində Gəncədə “Gəncə Avropa Gənclər Paytaxtı 2016” layihəsinə həsr olunan “XXI əsrdə dünya elminin inteqrasiya prosesləri” mövzusunda gənc alim və mütəxəssislərin Beynəlxalq Forumu keçirilib.

Forum Gəncə Şəhər İcra Hakimiyyətinin və Azərbaycan Milli Elmlər Akademiyasının birgə təşkilatçılığı ilə baş tutub.

Beynəlxalq tədbirdə AMEA Nizami Gəncəvi adına Milli Azərbaycan Ədəbiyyatı Muzeyinin əməkdaşları - filologiya üzrə fəlsəfə doktoru Nəzmiyyə Yigitoğlu, doktorantlar Gülnar Əqiq və Təbəssüm Muxtarova da iştirak ediblər.

Forumun “Elmi, tarixi, dini və mədəni sivilizasiyalar” mövzu panelində muzey əməkdaşlarının “Şərq Qərb estetik fikrində dialektik baxış”, “Qacarların fəaliyyəti dövründə Təbriz şəhərində ədəbi-mədəni yüksəliş”, “Detektiv janr: dünyəvi ədəbiyyatın yeni inkişaf mərhələsi kimi” adlı məruzələri dinlənilib.

© Bütün hüquqlar qorunur. Xəbərlərdən istifadə edərkən www.nizamimuseum.az saytına istinad zəruridir.