Azərbaycan Milli Elmlər Akademiyasında elmin populyarlaşdırılması sahəsində səmərəli fəaliyyətə görə AMEA Rəyasət Heyətinin mükafatının sahibləri məlum olub.

AMEA Rəyasət Heyətinin fevralın 14-də keçirilən növbəti iclasında elmin populyarlaşdırılması sahəsində səmərəli fəaliyyətlə bağlı müsabiqənin təşkil olunduğunu xatırladan AMEA Rəyasət Heyəti aparatının İctimaiyyətlə əlaqələr və elmin populyarlaşdırılması idarəsinin rəisi Zülfüqar Fərzəliyev müsabiqəyə ayrı-ayrı şəxslər və kollektivlər tərəfindən ümumilikdə 22 işin təqdim edildiyini bildirərək artıq yekun qiymətləndirmənin sona çatdığını söyləyib. 

Rəyasət Heyətinin qərarına əsasən elmi bilik və nailiyyətlərin populyarlaşdırılması sahəsində səmərəli fəaliyyətinə, o cümlədən riyaziyyat elminin təbliğinə həsr olunmuş elmi və elmi-populyar əsərlərinə görə AMEA Riyaziyyat və Mexanika İnstitutunun direktoru, AMEA-nın müxbir üzvü Misir Mərdanov və həmin institutun Elmi texniki informasiya şöbəsinin müdiri, professor Ramiz Aslanov mükafata layiq görülüblər.

© Bütün hüquqlar qorunur. Xəbərlərdən istifadə edərkən www.nizamimuseum.az saytına istinad zəruridir.