İsveç Akademiyası baş vermiş cinsi qalmaqalları səbəbindən 2018-ci il Ədəbiyyat üzrə Nobel mükafatını təqdim etməyəcək.

Nobelprize.org saytı xəbər verir ki, 2018-ci ilin qalibi seçilmiş şəxsə Nobel mükafatı 2019-cu ildə veriləcək.

İsveç Akademiyasının katibi Anders Olssonun sözlərinə görə, növbəti mükafatın qalibə təqdim olunması üçün insanların bu quruma olan ictimai inamını geri qaytarmaq lazımdır.

Akademiya üzvü, şair Katarina Frostensonun həyat yoldaşı, məşhur fransız fotoqraf Jan-Klod Arnaultla əlaqəli istismar qalmaqalı ilə bağlı yaranmış müzakirələr qurumda böyük fikir ayrılıqlarına səbəb olub.