AMEA Rəyasət Heyəti aparatının Beynəlxalq əlaqələr idarəsinin təşkilatçılığı ilə “Clarivate Analytics” agentliyinin “Web of Science” məlumat platformasından istifadənin təkmilləşdirilməsinə dair növbəti maarifləndirici seminar keçirilib.

Seminarda AMEA-nın Humanitar və İctimai Elmlər bölmələrinin institutlarının əməkdaşları iştirak ediblər.

AMEA-nın Əsas binasında baş tutan tədbiri “Clarivate Analytics” agentliyinin Rusiya bölməsinin elmi informasiya resursları üzrə eksperti Varvara Sosedova açaraq “Web of Science” elmi analitik bazası, platformanın imkanları, burada mövcud olan jurnallar, axtarış sorğusunun tərtib edilməsi, köməkçi vasitələrdən istifadə (EndNote), məqalələrin xülasəsinin hazırlanması barədə məlumat verib.

Bundan əlavə, platformada tədqiqatçı profilinin yaradılması, o cümlədən saxta elmi jurnallar və onların aşkarlanması məsələsinə toxunub.

Çıxışdan sonra iştirakçıları maraqlandıran suallar cavablandırılıb, geniş müzakirələr aparılıb.

© Bütün hüquqlar qorunur. Xəbərlərdən istifadə edərkən www.nizamimuseum.az saytına istinad zəruridir.