Ədəbiyyat sahəsində 2020-ci il üzrə Nobel mükafatına amerikalı yazıçı Luiza Qlyuk layiq görülüb.

Bu barədə İsveç Akademiyasının üzvləri Stokholmda baş tutan xüsusi tədbirdə məlumat veriblər.

Tədbirdə qeyd olunub ki, Luiza Qlyuk “sərt gözəlliyi ilə fərdi varlığı universal hala gətirən səhvsiz şeir səsinə görə” bu mükafata layiq görülüb.

Qeyd edək ki, 1901-ci ildən etibarən Nobel Fondu tərəfindən təqdim edilən ədəbiyyat üzrə bu mükafat hər il müvafiq sahədə nailiyyətlərə görə verilir.