Fevralın 21-də saat 22:00-da Azərbaycan Radiosunda, FM 105 tezliyində səslənəcək “Axşam görüşləri” görkəmli tarzən, Xalq artisti Bəhram Mansurova həsr ediləcək.

Proqramın aparıcısı AMEA Nizami Gəncəvi adına Milli Azərbaycan Ədəbiyyatı Muzeyinin direktoru, akademik Rafael Hüseynovdur.

Qeyd edək ki, Xalq artisti Bəhram Mansurov ilk azərbaycanlı musiqiçidir ki, onun ifasında “Çahargah” və “Rast” muğamları nota alınıb, “Bayatı-Şiraz”, “Humayun”, “Şur”, “Bayatı-kürd”, “Çahargah” ilk dəfə UNESCO-nun xətti ilə vallara və CD-lərə yazılıb, bütün dünyaya yayılıb.

© Bütün hüquqlar qorunur. Xəbərlərdən istifadə edərkən www.nizamimuseum.az saytına istinad zəruridir.