AMEA Nizami Gəncəvi adına Milli Azərbaycan Ədəbiyyatı Muzeyində dünya memarlıq tarixində xüsusi yeri olan əzəmətli Dolmabaxça sarayına həsr olunmuş növbəti elmi seminar məşğələsi keçirilib.

Divarları arasında Osmanlı tarixinin keşməkeşli yaddaşını hifz edən bu möhtəşəm saray-abidə bu gün də dünyanın müxtəlif yerlərindən gələn qonaqların böyük marağına səbəb olur.

Muzeyin Qədim və Orta əsrlər Azərbaycan ədəbiyyatının tədqiqi və təqdimi şöbəsinin kiçik elmi işçisi Aysel Abizadə öz məruzəsində muzey əməkdaşlarına Dolmabaxça  sarayının inşası, sultanlıq, o çümlədən, Mustafa Kamal Atatürk dövrünün dövlətçilik tarixindəki rolu haqqında ətraflı məlumat verib.

Seminar məşğələsi  muzeyin Ekspozisiyanın qorunması, izahı və audio- video müşaiyətin təmini şöbəsinin müdiri Tomiris Babanlı, Beynəlxalq əlaqələr və komparativistika şöbəsinin elmi işçisi Solmaz Azadova və b. çıxışları ilə davam etdirilib.

© Bütün hüquqlar qorunur. Xəbərlərdən istifadə edərkən www.nizamimuseum.az saytına istinad zəruridir.