AMEA Nizami Gəncəvi adına Milli Azərbaycan Ədəbiyyatı Muzeyində “Dünya ədəbiyyatı” mövzusuna həsr olunan növbəti elmi seminar məşğələsi XIX əsr ingilis ədəbiyyatının məşhur nümayəndəsi – şair, alim, müəllim, mütərcim Henri Vordsvord Lonqfello haqqında olub.

Məruzəçi muzeyin Ekspozisiyanın qorunması, izahı, audio müşaiyətin təmini şöbəsinin müdiri Tomiris Babanlı zənci köləliyinə qarşı etirazın bariz carçılarından olmuş Lonqfellonun dövrü, həyatı, geniş yaradıcılığı barədə məlumat verib.  Ədibin “Koroğlu” dastanı haqqındakı araşdırmaları , “Leap of Roushan Beg” (“Rövşən bəyin sıçrayışı”) şeirinin yazılma səbəblərindən bəhs edən T.Babanlı Nizami Muzeyinin ekspozisiyasında yer alan görkəmli Avropa və dünya ədiblərinin barelyefləri sırasında Lonqfellonun da olduğunu bildirib.

Daha sonra XIX əsr ingilis siyasi-ədəbi mühiti və “Koroğlu” qəhrəmanlıq dastanının Avropa azadlıq mübarizəsindəki rolundan bəhs edən slayd nümayiş olunub.

Tədbir  muzeyin elmi işlər üzrə direktor müavini, professor Xatirə Bəşirli, Yeni və müasir Azərbaycan ədəbiyyatı şöbəsinin elmi işçisi, filologiya üzrə fəlsəfə doktoru Məlahət Kələntərli, Törəxanım Hüseynova və başqalarının çıxışları davam etdirilib.

© Bütün hüquqlar qorunur. Xəbərlərdən istifadə edərkən www.nizamimuseum.az saytına istinad zəruridir.