2026-cı ilin oktyabr ayında  Nizami Gəncəvi adına Milli Azərbaycan Ədəbiyyatı Muzeyində Azərbaycan şairi Xaqani Şirvaninin anadan olmasının 900 illik yubileyinə həsr olunan “Xaqani Şirvani irsi və Mərkəzi Asiyada ədəbi-mədəni transformasiya ənənələri” mövzusunda beynəlxalq elmi konfrans keçiriləcək.

Konfrans aşağıdakı bölmələr üzrə baş tutacaq:

Xaqani Şirvaninin həyatı, irsi və klassiklərin elmi yaradıcılıq bioqrafiyası problemləri;

Xaqani Şirvani əlyazma irsi və klassik mətnlərin müasir təqdimi prinsipləri;

Xaqani Şirvani poeziyasında gerçək tarix və Orta əsrlər tarixinin tədqiqində ədəbi mənbələrin yeri;

Xaqani Şirvani poeziyası tərcümələrdə və klassik irsin tərcüməsi məsələləri;

Xaqani Şirvaninin ardıclıları və Şərq ədəbiyyatında ənənəyə çevrilən məktəb şəxsiyyətlər;

Xaqani Şirvani incəsənətdə və klassik poetik irsin çoxistiqamətli mədəni təsirləri;

Xaqani Şirvaninin məktubları və Yaxın-orta Şərqdə epistolyar irs;

Xaqani Şirvani irsinin multidisiplinar mahiyyəti və Orta əsrlər Şərqinin fəlsəfi, tarixi, coğrafi məxəzləri.

Məqalənin tərtib olunma qaydaları:

Mətn Microsoft Word redaktorunda (.doc, .docx) təqdim edilməlidir;

Məqalənin həcmi ən azı 4000 (dörd min) simvoldan (probelsiz) ibarət olmalıdır;

Məqalə Times New Roman - 12 ppt şrifti ilə, sətirlərarası interval – 1,5 olmaqla yazılmalıdır;

Mətnin səhifə parametrləri aşağıdakı şəkildə olmalıdır:

Sağ tərəf -1 sm

Sol tərəf – 3 sm

Aşağı hissə - 2 sm

Yuxarı hissə - 2 sm 

Mətnin əvvəlində ortada böyük və tünd şriftlə məruzənin adı, altda sağ tərəfdə kiçik və tünd şriftlə müəllifin adı, soyadı, ondan altda isə kiçik və adi şriftlə elmi dərəcəsi (varsa), elmi adı (varsa), iş yeri, elektron ünvanı və mobil nömrəsi göstərilməlidir. 

Məqalənin mətni ingilis dilində yazılarsa Azərbaycan dilində xülasə; Məqalənin mətni rus, fars, ərəb dillərində yazılarsa Azərbaycan və ingilis dillərində xülasə tələb olunur.

Mətnin əvvəlində məqalənin və xülasələrin yazıldığı dillərə müvafiq olaraq minimum 5 açar söz göstərilməlidir.

Ədəbiyyat siyahısı əlifba ardıcıllığı ilə olmalı, AAK-nın tələblərinə uyğun tərtib edilməli, məqalədə istinadlar düz mötərizə daxilində verilməlidir (məs: [5, s.12]).

Məqalənin müxtəlif dillərdə olan xülasələri bir-birinin eyni olmalı, məqalənin məzmununa uyğun yazılmalıdır. Xülasədə müəllifin gəldiyi elmi nəticə, işin elmi yeniliyi, tətbiqi əhəmiyyəti və s. öz əksini tapmalıdır. Hər bir xülasədə müəllifin tam adı göstərilməli, həmçinin məqalənin adı tərcümə edilməldir. Xülasələr 100-150 sözdən ibarət olmalıdır.

Məqalələrin qəbul olunması üçün son tarix: 01 avqust 2026-cı il

Təşkilat komitəsi məqalələrin mətnində düzəlişlərin edilməsi (ümumi məzmununu dəyişmədən), məruzələrin geri qaytarılması hüququna malikdir.

Təşkilat komitəsi ilə əlaqə:

Tel.: (994 12) 505 53 14

Ünvan: AZ1005, Azərbaycan Respublikası, Bakı şəhəri, İstiqlaliyyət küçəsi, 53

E-mail: nizamimuzeyikonfrans@mail.ru