2019-cu ildə məktəblilərin 31-ci Beynəlxalq İnformatika Olimpiadası (İOİ) Azərbaycanda təşkil olunacaq.

Bu barədə qərar 30-cu Beynəlxalq İnformatika Olimpiadasının Yaponiyanın Tsukuba şəhərində keçirilən yekun tədbirində verilib. Təşkilatçılar tərəfindən İOİ-nin bayrağı ölkəmizin Təhsil nazirinin müavini Firudin Qurbanova təqdim edilib.

Qeyd edək ki, respublikamız bu tədbirdə 24 dəfə, ümumilikdə 55 azərbaycanlı məktəbli ilə təmsil olunub. Şagirdlərimiz olimpiadadan bu günədək biri gümüş, dördü bürünc olmaqla beş medal qazanıblar.

© Bütün hüquqlar qorunur. Xəbərlərdən istifadə edərkən www.nizamimuseum.az saytına istinad zəruridir.