Bu gün AMEA Nizami Gəncəvi adına Milli Azərbaycan Ədəbiyyatı Muzeyində bu qurumun Gənc Alimlər və Mütəxəssislər Şurasının hesabat iclası keçirilb.

İclasda şura üzvlərinin doqquz ay ərzində gördüyü işlər müzakirə olunub. Bildirilib ki, şura tərəfindən akademiya rəhbərliyinin müəyyən etdiyi strategiyaya uyğun olaraq müvafiq işlər görülüb, bir sıra yeni layihələr həyata keçirilib. Şura üzvləri məktəblilər və tələbələr, xarici qonaqlarla keçirilən ekskursiyalarda fəal iştirak ediblər.

İclasda növbəti yığıncağın mövzuları, 2020-ci ilə dair tədbirlər planı müzakirə olunub, gənclərin elmə cəlb olunması və onların fəaliyyətində səmərəliliyinin artırılması istiqamətində təkliflər səsləndirilib.

Hesabat ətrafında suallar cavablandırılıb. 

Muzeyin Gənc Alimlər və Mütəxəssislər Şurasının hesabatı təsdiq üçün muzeyin Elmi şurasına yönəldilib.

© Bütün hüquqlar qorunur. Xəbərlərdən istifadə edərkən www.nizamimuseum.az saytına istinad zəruridir.