Noyabrın 25-də Prezident İlham Əliyev "Bakı Dövlət Universitetinin əməkdaşlarına fəxri adların verilməsi haqqında" Sərəncam imzalayıb.

Sərəncama əsasən, Bakı Dövlət Universitetinin 100 illiyi münasibətilə və Azərbaycanda təhsilin və elmin inkişafındakı xidmətlərinə görə BDU-nun 1 əməkdaşı “Şərəf” ordeni, 11 əməkdaşı “Şöhrət” ordeni, 2 əməkdaşı 2-ci dərəcəli “Əmək” ordeni, 24 əməkdaşı 3-cü dərəcəli “Əmək” ordeni, 36 əməkdaşı isə “Tərəqqi” medalı ilə təltif olunub.

AMEA Milli Azərbaycan Ədəbiyyatı Muzeyinin Ədəbi mərasimlər, ictimaiyyətlə iş və nəşrlər şöbəsinin müdiri, professor Aidə Qasımova da "Tərəqqi" medalı ilə təltif olunanlar sırasındadır.

Aidə Qasımovanı bu münasibətlə təbrik edir, gələcək fəaliyyətində uğurlar arzulayırıq.

© Bütün hüquqlar qorunur. Xəbərlərdən istifadə edərkən www.nizamimuseum.az saytına istinad zəruridir.