AMEA Nizami Gəncəvi adına Milli Azərbaycan Ədəbiyyatı Muzeyində ədəbiyyat tariximizdə müstəsna xidmətləri olan görkəmli dramaturq, ictimai-siyasi xadim Nəriman Nərimanovun 150 illik yubileyinə həsr olunan elmi sessiya keçirilib.

Tədbirdə muzeyin elmi işlər üzrə direktor müavini, professor Xatirə Bəşirlinin “Nəriman Nərimanovun ictimai-siyasi fəaliyyətində Dağlıq Qarabağ problemi” adlı məruzəsi dinlənilib. O, hələ 1920-ci illərdə sovet rejiminin ortaya atdığı Dağlıq Qarabağ tələbinə qarşı dövlət xadiminin kəskin mövqeyi, çıxışları barədə məlumatları diqqətə çatdırıb.

Bildirib ki, realist-demokrat yazıçının təsviri sənətdə də obrazının yaradılması uzun illər Azərbaycan rəngkarlığı və heyləktəraşlığının aparıcı mövzularından biri olub. Ədibin Bakı şəhərində ucalan ilk əzəmətli heykəli 1972-ci ildə Xalq rəssamı Cəlal Qaryağdı tərəfindən hazırlanıb.

Elmi sessiyada, həmçinin muzeyin doktorantı, Mədəni irs və mənbəşünaslıq şöbəsinin kiçik elmi işçisi Gülsəba Həsənova “Nəriman Nərimanovun obrazı Nizami muzeyinin təsviri sənət nümunələrində” adlı məruzə ilə çıxış edıb. O, muzeyin ekspozisiyasını zənginləşdirən və rəssam Mikayıl Abdullayevin fırçasına məxsus olan N.Nərimanovun portreti, o cümlədən heykəltəraşlıq nümunələri haqqında ətraflı məlumat verib. 

© Bütün hüquqlar qorunur. Xəbərlərdən istifadə edərkən www.nizamimuseum.az saytına istinad zəruridir.