Aprelin 28-də AMEA-nın Nizami Gəncəvi adına Milli Azərbaycan Ədəbiyyatı Muzeyində şəhər məktəbliləri ilə növbəti vrtual ekskursiya təşkil olunub.

203 saylı tam orta məktəbin müəllimləri və yuxarı sinif şagirdlərinin iştirak etdiyi videogörüşdə muzeyin Nizami Gəncəviyə həsr olunmuş ekspozisiya zalları sərgilənib.

Muzey izahatçıları – Komparativistika və bədii tərcümə şöbəsinin baş laborantı Aysel Bayramova və Ekspozisiyanın qorunması, izahı və audio müşaiyətin təmini şöbəsinin baş laborantı Aygün Abbasquliyeva tədbir iştirakçıları ilə Azərbaycan və rus dillərində ekskursiyalar aparıblar. Onlar dahi Azərbaycan şairi və mütəfəkkiri Nizami Gəncəvinin bədii irsi, əsərlərindəki insanpərvərlik ideyası və lirik əhval-ruhiyyə haqqında ətraflı məlumat veriblər.