İyunun 7-də AMEA Nizami Gəncəvi adına Milli Azərbaycan Ədəbiyyatı Muzeyində Ağabəy Novruzbəyli adına 46 saylı tam orta məktəbin müəllim və şagirdləri ilə onlayn görüş keçirilib.

Böyük Azərbaycan şairi Nizami Gəncəvinin 880 illik yubileyinə həsr olunmuş görüşdə məktəblilər Nizami “Xəmsə”sindən müxtəlif bədii kompozisiyalarla çıxış ediblər.

Nizami muzeyinin Ekspozisiyanın qorunması və audio müşaiyətin təmini şöbəsinin elmi işçisi İnarə Səfiyeva dahi şairə həsr olunmuş ekspozisiya zalından birbaşa ekskursiya apararaq Nizami dövrünü, irsini müxtəlif eksponatların timsalında izah edib.

Onlayn ekskursiya müəllim və məktəblilərin sualları, çıxışları ilə davam edib.

© Bütün hüquqlar qorunur. Xəbərlərdən istifadə edərkən www.nizamimuseum.az saytına istinad zəruridir.