5-7 iyul tarixlərində AMEA Nizami Gəncəvi adına Milli Azərbaycan Ədəbiyyatı Muzeyində filologiya üzrə fəlsəfə doktoru və elmlər doktorluğu hazırlığı üzrə doktorant və dissertantların ixtisas, fərq imtahanları keçirilib.

2021-ci il yay sessiyasında “Ədəbiyyat nəzəriyyəsi, ədəbi təhlil və tənqid” – 5715.01, “Azərbaycan ədəbiyyatı” – 5716.01, “Dünya ədəbiyyatı (ərəb ədəbiyyatı)” – 5718.01, “Dünya ədəbiyyatı (ingilisdilli ədəbiyyat)” – 5718.01 ixtisasları üzrə 15 nəfər doktorant və dissertant uğurla imtahan verib.

İxtisas və fərq imtahanlarında Nizami Muzeyi ilə yanaşı, AMEA Məhəmməd Füzuli adına Əlyazmalar İnstitutu, Bakı Avrasiya Universiteti, Bakı Mühəndislik Universitetinin doktorant və dissertantları da iştirak ediblər.   

Üç gün davam edən imtahanlarda ixtisaslar üzrə komissiyaların tərkibində yer alan - Nizami muzeyinin direktoru, akademik Rafael Hüseynov (sədr), professor Kamil Allahyarov (sədr müavini), professor Rəhilə Quliyeva, professor Xatirə Bəşirli (sədr müavini), professor Şahin Xəlilli (sədr müavini), professor İmamverdi Həmidov, professor Cəlil Nağıyev və digər görkəmli alimlər iştirak ediblər.  

© Bütün hüquqlar qorunur. Xəbərlərdən istifadə edərkən www.nizamimuseum.az saytına istinad zəruridir.