7 dekabrda AMEA Məhəmməd Füzuli adına Əlyazmalar İnstitutunda Azərbaycan Respublikası Mədəniyyət Nazirliyi Mədəniyyət üzrə Elmi-Metodiki və İxtisasartırma Mərkəzinin təşkilatçılığı ilə “Qarabağın ədəbiyyat səhifələrində Məclisi-üns” adlı elmi-ədəbi konfrans keçirilib.

Tədbiri giriş nitqi ilə AMEA Məhəmməd Füzuli adına Əlyazmalar İnstitutunun baş direktoru, akademik Teymur Kərimli açıb.

Konfransda Azərbaycan Respublikası Mədəniyyət Nazirliyi Mədəniyyət üzrə Elmi-Metodiki və İxtisasartırma Mərkəzinin direktoru Səadət Xələfbəyli, filologiya elmləri doktoru Mahirə Quliyeva, filologiya elmləri doktoru, professor Raqub Kərimov, filologiya elmləri doktoru Mərziyyə Nəcəfova, AMEA Nizami Gəncəvi adına Milli Azərbaycan Ədəbiyyatı Muzeyinin X.Natəvan adına Qarabağ filialının elmi işçisi Rəhman Baxşəliyev və başqaları məruzə ediblər.
          Məruzəçilər Qarabağın ədəbi-mədəni keçmişi, XIX əsr ədəbi məclisləri və muğam-sənət tarixi, Qarabağ atları, Qarabağ müharibəsi ədəbiyyatda mövzuları ətrafında çıxış edərək, qarabağşünaslığın yeni nailiyyətləri ilə konfrans iştirakçılarını tanış ediblər.

          Konfrans çərçivəsində AMEA Nizami Gəncəvi adına Milli Azərbaycan Ədəbiyyatı Muzeyinin ekspozisiya zallarına onlayn ekskursiya da keçirilib. Videoekskursiyada muzeyin “İctimaiyyətlə əlaqələr və informasiya şöbəsinin müdiri”, filologiya üzrə fəlsəfə doktoru Nəzmiyyə Yigitoğlu XIX əsr Azərbaycan ədəbi-tarixi mühiti haqqında geniş məlumat verərək Xurşidbanu Natəvan, Mir Möhsün Nəvvab, Nəcəf bəy Vəzirov, Seyid Əzim Şirvani yaradıcılığı, xatirə əşyaları və rəsm əsərləri ilə konfrans iştirakçılarını tanış edib.

 © Bütün hüquqlar qorunur. Xəbərlərdən istifadə edərkən www.nizamimuseum.az saytına istinad zəruridir.