Ədəbiyyat üzrə Nobel mükafatı fransız yazıçıya verildi
Okt 06, 2022 | 16:05 / Mühüm hadisələr
Bu il ədəbiyyat üzrə Nobel mükafatının qalibi 82 yaşlı fransalı yazıçı Anni Erno olub.
Bu barədə İsveç Akademiyasının Stokholmda baş tutan xüsusi tədbirində deyilib.
Məlumat üçün bildirək ki, Anni Erno 1940-cı il sentyabrın 1-də Fransanın Lilbon şəhərində anadan olub. O, Ruan Universitetini bitirdikdən sonra orta məktəbdə ədəbiyyat fənnini tədris edib. Yazıçının “Les Armoires vides” (“Boş rəflər”) adlı ilk romanı 1974-cü ildə işıq üzü görüb. O, "Boş şkaflar", "Xarici həyat" kimi əsərlərin müəllifidir.
Anni Erno öz əsərlərində ardıcıl və müxtəlif rakurslardan cins, dil və sinif baxımından fərqlənən həyatı araşdırır. Yazıçının bütün kitabları avtobioqrafikdir. Hamısı onun şəxsi, həmişə ağrılı və hətta travmatik təcrübəsini təsvir edir.
