Oktyabrın 14-də Qazaxıstan Respublikasının Əl-Fərabi adına Qazax Milli Uiversitetində “Fəlsəfə: elm və həyatın missiyası” mövzusunda beynəlxalq, elmi-praktik konfrans keçirilib.

Universitetin Əl-Fərabi mərkəzinin fəlsəfə və politologiya fakültəsinin təşkilatçılığı ilə keçirilən konfrans tanınmış qazax alimi və ictimai xadim, fəlsəfə elmləri doktoru, professor Qaziz Telebayevin altmış beş illik yubileyinə həsr olunmuşdur. Konfrans türk və qazax fəlsəfəsi ənənələrinin təhlili, Qazaxıstan Respublikasının etno-dini özünəməxsusluğunun öyrənilməsi problemi və digər məsələlərin müzakirəsini qarşıya məqsəd qoymuşdur.

Bir sıra alimlərin iştirak etdiyi konfransda Nizami Gəncəvi adına Milli Azərbaycan Ədəbiyyatı Muzeyinin əməkdaşı – “İctimaiyyətlə əlaqələr və informasiya” şöbəsinin müdiri, filologiya üzrə fəlsəfə doktoru Nəzmiyyə Yigitoğlu da çıxış etmişdir.

O, “Yusif Balasaqunlu və Nizami Gəncəvinin estetik görüşlərində əxlaq fəlsəfəsi. Qutadqu-bilik və “Leyli və Məcnun” mövzusunda məruzəsində Yusif Has Hacib və Nizami Gəncəvinin fikir dünyasına təhlili yanaşmış, hər iki mütəfəkkirin əsərindəki “Oğluma nəsihət”ləri müqayisəli təhlilə cəlb etmişdir.

© Bütün hüquqlar qorunur. Xəbərlərdən istifadə edərkən www.nizamimuseum.az saytına istinad zəruridir.