Asiya Ombudsmanlar Assosiasiyası və İslam Əməkdaşlıq Təşkilatı Ombudsmanlar Assosiasiyasının iclasları çərçivəsində ölkəmizdə səfərdə olan Pakistan İslam Respublikasının ombudsmanı Ayaz Ali Xan Nizami Gəncəvi adına Milli Azərbaycan Ədəbiyyatı Muzeyinin qonağı olub.
Mədəniyyət ocağının yaranma tarixi barədə qonağa ətraflı məlumat verən Aymən Həsənova ona muzeyin zəngin ekspozisiyası ilə tanış edib.
Ayaz Ali Xan orta əsrlər Azərbaycan ədəbiyyatı və Nizami Gəncəvinin həyat və yaradıcılığına həsr edilmiş zallara xüsusi maraq göstərib. Muzeyin binasının qədimliyi və Azərbaycan tarixinin mühüm tarixi faktlarına şahid olması, ekspozisiyanın sistemli və rabitəli qurulması qonağın diqqətinə səbəb olub.
O, sonda muzeyin “Rəylər kitabı”nda öz təəssüratlarını qeyd edərək ilk dəfə Bakıda olduğunu, növbəti səfərlərində də Ədəbiyyat Muzeyini təkrar ziyarət edəcəyini bildirib.
© Bütün hüquqlar qorunur. Xəbərlərdən istifadə edərkən www.nizamimuseum.az saytına istinad zəruridir.