Nizami Gəncəvi adına Milli Azərbaycan Ədəbiyyatı Muzeyinin baş direktoru, akademik Rafael Hüseynovun təqdimatında “Mədəniyyət” kanalında yayımlanan “Vətənim” verilişinin növbəti buraxılışı görkəmli Azərbaycan mütəfəkkiri Abbasqulu Ağa Bakıxanova həsr olunub.

Verilişdə bakıxanovlar nəslinin ən görkəmli nümayəndəsi Abbasqulu ağa Bakıxanovun ictimai-siyasi fəaliyyətindən, ədəbi yaradıcılığından ətraflı bəhs edilib.

Bildirilib ki, XIX əsr Azərbaycan maarifçilərindən biri olan Abbasqulu ağa Bakıxanov "Gülüstani-İrəm" əsəri ilə Azərbaycan tarixşünaslıq elminin əsasını qoymuşdur. O, "Qüdsi" təxəllüsü ilə Azərbaycan, ərəb və fars dillərində şeirlərin müəllifidir. Qubada "Gülüstan" adlı elmi-ədəbi məclisin (1835) təşkilatçılarından biri olmuşdur.

Abbasqulu Ağa Bakıxanova həsr olunmuş verilişi buradan izləyə bilərsiniz.

© Bütün hüquqlar qorunur. Xəbərlərdən istifadə edərkən www.nizamimuseum.az saytına istinad zəruridir.