Ulu Öndər Heydər Əliyevin Azərbaycan gəncliyinə-gələcəyinə yüksək dəyər və qayğısının, inamının timsalı olan 2 fevral - Gənclər Günü artıq iyirmi altı ildir ki, ölkəmizdə bayram edilir.
Prezident İlham Əliyevin uğurla həyata keçirdiyi gənclər siyasəti milli gəncliyin elm və istedadının, əsl vətənpərvərlik ruhu və zəfərlərinin dünyaya səs salması üçün geniş imkanlar açır.
Azərbaycan Gənclər Günü Nizami Gəncəvi adına Milli Azərbaycan Ədəbiyyatı Muzeyində də qeyd olunub. Fevral ayının 1-dən başlayaraq gənclərin Nizami muzeyinə ziyarəti sərbəst şəkildə həyata keçirilib.
Bu günlər ərzində gənc nəslin beş yüzədək nümayəndəsi Nizami muzeyinin ekspozisiyası ilə tanış olub, zəngin Azərbaycan ədəbiyyatı üzrə ekskursiyaları dinləyiblər.
© Bütün hüquqlar qorunur. Xəbərlərdən istifadə edərkən www.nizamimuseum.az saytına istinad zəruridir.