Nizami Gəncəvi adına Milli Azərbaycan Ədəbiyyatı Muzeyində Ümumilli lider Heydər Əliyevin anadan olmasının 100-cü ildönümü münasibətilə “Mən azərbaycanlıyam” mövzusunda ədəbi-musiqili gecə keçirilib.

Tədbir Azərbaycan Respublikası Dövlət Himninin səslənişi ilə başlanıb.

Daha sonra Muzeyin Məktəblərlə və ictimaiyyətlə iş şöbəsinin müdiri, filologiya üzrə fəlsəfə doktoru Nəzmiyyə Yigitoğlu Heydər Əliyev fenomeni, Ulu Öndərin sarsılmaz mübarizəsi, genişmiqyaslı fəaliyyəti haqqında məlumat verib.

Bakı məktəblilərinin iştirakı ilə baş tutan ədəbi-bədii gecədə Səbail rayonu 329 nömrəli tam orta məktəbin 9-cu sinif şagirdləri Təranə Davudqızı, Ayşə Həsənzadə, 8-ci sinf şagirdi Adəm Sultanov, Yasamal rayonu 53 nömrəli tam orta məktəbin 6-cı sinif şagirdi Zəhra Abdulla, Yasamal rayonu Həzi Aslanov adına 175 nömrəli tam orta məktəbin 3-cü sinif şagirdi Orxan Quliyev, 7-ci sinif şagirdləri Nərmin Quliyeva, Rəsul Abbasov, 9-cu sinif şagirdi Ziyad Seyidov, Xəzər Universiteti nəzdində Dünya məktəbinin 2-ci sinif şagirdi Suad Mir Cavadlı, Nərimanov rayonu 47 nömrəli orta məktəbin 2-ci sinif şagirdi  Banu Alızadə, Xəzər rayonu Binə qəsəbəsi Elçin Şəmiyev adına 149 nömrəli tam orta məktəbin 4-cü sinif şagirdi Ayxan Məmmədov, Xətai  rayonu Ədalət Abbasov adına 257 nömrəli tam orta məktəbin  6-cı sinif  şagirdi Gülay Əzizli C.Məmmədquluzadə, M.Ə.Sabir, H.Cavid, S.Vurğun, M.Şəhriyar, M.Dilbazi, L.Əliyeva, R.Hüseynov, R.Yusifoğlu və digər ədəbiyyat xadimlərinin yaradıcılığından şeirlər səsləndirib, bədii qiraət nümunələri təqdim ediblər. 175 nömrəli tam orta məktəbin şagirdləri isə Hüseyn Cavidin “Topal Teymur” pyesindən səhnəcik hazırlayıblar.

Ədəbi-bədii gecədə Azərbaycan Musiqi Akademiyasının nəzdində Musiqi Kollecinin tələbələrinin ifasında musiqi nümunələri səslənib. Kollecin xanəndəlik şöbəsinin I kurs tələbəsi Sunay Hacıyevanı tarda Kənan Hüseynov, kamançada Aydan Əlizadə, nağarada Bayram Bayramov müşayiət ediblər.

Tədbirdə, həmçinin, böyük ürək, dərin zəka və qətiyyətli addımlar insanı Heydər Əliyevin mənəviyyat, zövq dünyasını tanıdan video-rolik və muzeyin Sərgilərin təşkili, bədii tərtibat və bərpa şöbəsinin hazırladığı foto-sərgi nümayiş etdirilib.

Sonda iştirakçılar muzeyin ənənəvi “Fəxri fərman”ları ilə təltif edilib. “Fəxri fərman"ları iştirakçılara tədbirin layihə rəhbəri, muzeyin Həmkarlar Təşkilatının sədri Ceyran Qənbərli təqdim edib.

© Bütün hüquqlar qorunur. Xəbərlərdən istifadə edərkən www.nizamimuseum.az saytına istinad zəruridir.