Azərbaycan Respublikası Mədəniyyət Nazirliyi Milli Xalça Muzeyində Ulu Öndər Heydər Əliyevin anadan olmasının 100-cü ildönümünə həsr olunmuş “Tarixin salnaməsi” adlı sərginin açılışı olub.
Tədbiri giriş sözü ilə açan muzeyin direktoru, Əməkdar mədəniyyət işçisi Şirin Məlikova qonaqları salamlayaraq “Heydər Əliyev ili” çərçivəsində keçirilən tədbirlər silsiləsinə Azərbaycan Milli Xalça Muzeyinin toxucuları tərəfindən Əməkdar rəssam Tariyel Bəşirovun eskizləri ilə hazırlanmış “Tarixin salnaməsi” xalçasının xüsusi rəng qatdığını vurğulayıb. Şirin Məlikova qeyd edib ki, xalçanın toxunmasında 100 müxtəlif rəng çalarından istifadə edilib.
Tədbirdə çıxış edən Azərbaycan Respublikası Mədəniyyət Nazirinin müavini Murad Hüseynov, UNESCO üzrə Azərbaycan Respublikasının Milli Komissiyasının baş katibi Seymur Fətəliyev, Bakı Yunus Əmrə İnstitutunun direktoru Səlçuk Karakılıc və digər qonaqlar Ulu Öndər Heydər Əliyevin Azərbaycan mədəniyyətinin inkişafında göstərdiyi misilsiz xidmətlərdən danışıblar.
Sərgiinin açılışına dəvət edilənlər sırasında Nizami Gəncəvi adına Milli Azərbaycan Ədəbiyyatı Muzeyinin bir qrup əməkdaşı da olub.
Təntənəli açılış mərasimindən sonra qonaqlar Ümummilli Liderin milli xalçaçılıq sənətinin inkişafına diqqət və qayğısından bəhs edən “Milli sərvətimiz” adlı sənədli filmə tamaşa ediblər.
© Bütün hüquqlar qorunur. Xəbərlərdən istifadə edərkən www.nizamimuseum.az saytına istinad zəruridir.