Nizami Muzeyində Mülki Müdafiə qüvvələrinin məşq toplantısı keçirilib + Foto
May 11, 2023 | 13:14 / Mühüm hadisələr
11 mayda Nizami Gəncəvi adına Milli Azərbaycan Ədəbiyyatı Muzeyində Mülki Müdafiə qüvvələrinin növbəti məşq toplantısı keçirilib.
“Fövqəladə hallar zamanı xəbərdarlıq və toplanış qaydaları”nın təliminə həsr olunmuş məşqin ilk növbədə planı tərtib olunmuş, Mülki Müdafiə qüvvələrinin şəxsi heyətinin xəbərdarlıq sxemi dəqiqləşdirilmiş, rabitə vasitələrinin vəziyyəti yoxlanılmışdır.
“Xəbərdarlıq və toplanış məşqi” zamanı Mülki Müdafiə qüvvələrinin şəxsi heyətlə komplektləşdirilməsi, əmlak ilə təchizatı, qoyulmuş tapşırıqlar üzrə nəzəri biliklərin yoxlanması işi yerinə yetirilmişdir.
© Bütün hüquqlar qorunur. Xəbərlərdən istifadə edərkən www.nizamimuseum.az saytına istinad zəruridir.
