Azərbaycan Radiosunda “Axşam görüşləri” proqramının növbəti buraxılışı yayımlanıb.

Nizami Gəncəvi adına Milli Azərbaycan Ədəbiyyatı Muzeyinin direktoru, akademik Rafael Hüseynovun təqdimatında yayımlanan verlişdə 1960-cı illərdə Azərbaycanda yaradıcılığın bütün sahələrində yeni dalğanın, yaradıcı gənc nəslin yetişməkdə olduğu bildirilib.

Qeyd olunub ki, həmin yeni dalğanın estradamıza bağışladığı gənclərdən biri də İlhamə Qulyeva idi. O, Azərbaycan Dövlət Universitetinin Filologiya fakültəsini bitirmişdir. 1965–1970-ci illərdə Azərbaycan Dövlət Teleradio Verilişləri Şirkəti Estrada Orkestrinin, 1970–1980-ci illərdə isə Azərbaycan Dövlət Filarmoniyasının solisti olmuşdur. Həmçinin 1980-ci ildən Azərbaycan Dövlət Qastrol-Konsert Birliyinin (Azkonsert) solisti olmuşdur.

Akademik Rafael Hüseynov diqqətə çatdırıb ki, Xalq artisti İlhamə Quliyeva xalq musiqimizə candan bağlı idi, eləcə də onun oxuduğu mahnılarda qəlbə yatan müasirlik vardı. 

© Bütün hüquqlar qorunur. Xəbərlərdən istifadə edərkən www.nizamimuseum.az saytına istinad zəruridir.