20 sentyabr 2023-cü il tarixdə Nizami Gəncəvi adına Milli Azərbaycan Ədəbiyyatı Muzeyində Mülki Müdafiə tədbirlər planına müvafiq olaraq MM qüvvələrinin xəbərdarlıq və toplanış məşqi keçirilib. Məşqə hazırlıq mərhələsində məşqin keçirilməsi planı tərtib olunub, MM qüvvələrinin şəxsi heyətinin xəbərdarlıq sxemi dəqiqləşdirilib, rabitə vasitələrinin vəziyyətinə baxış keçirilib və məşqin keçirilməsi ilə bağlı digər təşkilati tədbirlər görülüb. Məşqin keçirilmə vaxtı və yeri məşqə cəlb olunan əməkdaşlara qabaqcadan elan edilərək məşq iştirakçıları ilə metodiki toplantı keçirilib. 

Məşq 20 sentyabr 2023-cü il saat 10.00-dа məşq rəhbərinin MM qüvvələrinin toplanması barədə göstərişi ilə başlanıb, qüvvələrin şəxsi heyəti vaxtında təyin olunmuş yerə toplanıb. Məşq zamanı MM qüvvələrinin şəxsi heyətlə komplektləşdirilməsi, tabel əmlakı ilə təchizatı, qoyulmuş tapşırıqlar üzrə nəzəri bilikləri yoxlanılıb. Toplanış məşqi başa çatdıqdan  sonra məşqin nəticələri təhlil olunub. Aşkar olunmuş nöqsanların qaldırılması barədə müvafiq göstərişlər verilib.

 Məşq zamanı qarşıya qoyulmuş məqsədə əsasən nail olunub.

© Bütün hüquqlar qorunur. Xəbərlərdən istifadə edərkən www.nizamimuseum.az saytına istinad zəruridir.