Oktyabrın 8-də Azərbaycan Radiosunda “Axşam görüşləri” proqramının növbəti buraxılışı yayımlanıb.

Nizami Gəncəvi adına Milli Azərbaycan Ədəbiyyatı Muzeyinin direktoru, akademik Rafael Hüseynovun təqdimatında yayımlanan veriliş Azərbaycan ədəbiyyatının görkəmli nümayəndəsi, şair, qəzəlxan Əliağa Vahidə həsr olunub.

Verilişdə Əliağa Vahidin yaradıcılığı haqqında geniş məlumat verilib, şairin böyük Füzuli ənənələrini davam etdirən misraları diqqətə çatdırılıb, qəzəlləri dinlənilib. Bildirilib ki, Vahid müasir Azərbaycan ədəbiyyatında qəzəl janrının görkəmli nümayəndəsidir. Şairin qəzəlləri poetik dilinin sadəliyi, xəlqiliyi və ahəngdarlığı ilə seçilir: "Bu gün Vahidi bütün Azərbaycan tanıyır və sevir. Nə qədər ki, muğam oxunur və muğamların üstündə Vahidin sözləri səslənir, Əliağa Vahid də həmişə canlı olacaq".

© Bütün hüquqlar qorunur. Xəbərlərdən istifadə edərkən www.nizamimuseum.az saytına istinad zəruridir.