“Mədəniyyət” kanalında yayımlanan "Vətənim" verlişinin Azərbaycan satirik ədəbiyyatının görkəmli nümayəndəsi Mirzə Ələkbər Sabirə həsr olunan birinci və ikinci buraxılışları yayımlanıb.

Verlişlərdə dahi mütəfəkkirin həyat yoluna və zəngin yaradıcılığına nəzər salınıb, Mirzə Ələkbər Sabirə göstərilən dövlət qayğısından, ustad sənətkara olan xalq məhəbbətindən, sonsuz ehtiramdan bəhs edilib. Həmçinin bənzərsiz söz ustadının fikirlərinin hər zaman aktual olduğu diqqətə çatdırılıb, onun yaradıcılığının Azərbaycan ədəbiyyatında mühüm yer tutduğu vurğulanıb.

Bildirilib ki, Mirzə Ələkbər Sabir min illik ədəbiyyat tariximizin gеniş göylərini bəzəyən bənzərsiz sənət ulduzudur. Оnun “Hоphоpnamə”si başdan-ayağa zülmə, ətalətə еtiraz, insan haqqına və hеysiyyətinə qarşı çеvrilmiş hər şеyə üsyan və ittihamnamədir. 

Akademik Rafael Hüseynov qeyd edib ki, Sabirin şeirlərində milli kimlik, vətəndaşlıq, milli yaddaş kodları satirik formada təzahür edir. O,  “Molla Nəsrəddin” ədəbi məktəbinin yetişdirdiyi qüdrətli və təkrarsız sənətkarlardan biridir. Sabiri "Molla Nəsrəddin"siz təsəvvür etmək mümkün olmadığı kimi, "Molla Nəsrəddin"i də Sabirsiz düşünmək çətindir.

Diqqətə çatdırılıb ki, böyük söz ustadı Mirzə Ələkbər Sabirin yaradıcılığı ədəbiyyatşünasların geniş elmi-tədqiqat obyekti olmuşdur. Cəmiyyətdə mövcud olan bütün neqativ hallar Sabir yaradıcılığında öz əksini tapmışdır.

Verilişlərdə Mirzə Ələkbər Sabirin Salman Mümtaz, Cəlil Məmmədquluzadə, Abdulla Şaiq, Məmmədəli Sidqi, jurnalist Mehdi Hacınski ilə münasibətlərindən, xatirələrindən də bəhs olunur. 

Birinci buraxılışı buradan, ikinci buraxılışı isə buradan izləyə bilərsiniz.

© Bütün hüquqlar qorunur. Xəbərlərdən istifadə edərkən www.nizamimuseum.az saytına istinad zəruridir.