“Mədəniyyət” kanalında yayımlanan "Vətənim" verilişinin Azərbaycan satirik ədəbiyyatının görkəmli nümayəndəsi Mirzə Ələkbər Sabirə həsr olunan sonuncu - dördüncü buraxılışı yayımlanıb.

Nizami Gəncəvi adına Milli Azərbaycan Ədəbiyyatı Muzeyinin direktoru, akademik Rafael Hüseynovun təqdimatında efirə gedən verlişdə bildirilib ki, milli ədəbiyyatda tənqidi realizmin əsas yaradıcılarından biri kimi geniş şöhrət qazanmış Mirzə Ələkbər Sabir bədii fikirdə humanizmin və demokratik ideyaların, milli oyanış və dirçəlişin ən fədakar carçılarındandır. O, mollanəsrəddinçi satirik şeir məktəbinin yaradıcısı, türk-müsəlman dünyasında satirik şeirin qüdrətli təmsilçisi kimi tanınır.

Sonuncu buraxılışda Mirzə Ələkbər Sabir və Abdulla Şaiqin dostluq münasibətlərindən, Sabirin "Həyat" qəzetində dərc olunmuş şeirlərindən, şairlə çiyin-çiyinə çalışan Əziz Şərifin və Məmmədəli Sidqinin Sabirlə bağlı xatirələrindən, eləcə də yazıçı-publisist Tağı Şahbazi Simurqun Sabir irsinin öyrənilməsindəki xidmətlərindən bəhs olunur.

Verilişi buradan izləyə bilərsiniz.

© Bütün hüquqlar qorunur. Xəbərlərdən istifadə edərkən www.nizamimuseum.az saytına istinad zəruridir.