“Mədəniyyət” kanalında Nizami Gəncəvi adına Milli Azərbaycan Ədəbiyyatı Muzeyinin direktoru akademik Rafael Hüseynovun təqdimatında “Vətənim” verilişinin növbəti buraxılışı yayımlanıb.

Veriliş VII-VIII əsr Azərbaycan əsilli ərəb ədəbiyyatı şairi İsmayıl ibn Yəsara həsr olunub.

Akademik Rafael Hüseynov bildirib ki, VII-VIII əsrlərdə yaşayıb yaratmağına və öz dövrünün məşhur şairi olmasına baxmayaraq, orta əsr mənbələrində İsmayıl ibn Yəsarın adı nadir hallarda çəkilir. Onun anadan olma tarixi barəsində mənbələrdə heç bir məlumat verilməsə də, ibn Qüteybə və əl-Mərzubani onun Mədinə şəhərində doğulduğunu qeyd etmişdi.

Diqqətə çatdırılıb ki, İsmayıl ibn Yəsar şairliyə başlayanda Məhəmməd peyğəmbər həyatdan yenicə getmişdi. Tanrı elçisini görənlərin, onunla təmasda olanların bir çoxu hələ həyatda idi. İsmayıl ibn Yasər Məhəmməd peyğəmbəvə onun kimi yeni yaranan rin nəvələri - İmam Hüseynlə, İmam Həsənlə oturub duran, dostluq edən bir insan idi. Bu söhbətlər, I minilliyin hekayətləri indi - III minillikdə insana nağıl kimi gəlir. O dövrdə ərəblərin təsir dairəsində olan poeziya büstübün yeni idi. İsmayıl ibn Yasər və onun kimi yeni yaranan böyük ədəbiyyatın önündə gedənlər təzə şeirin, yeni ədəbiyyatın peyğəmbərlərindən idilər.

Bildirilib ki, İsmayıl ibn Yəsar öz istedadı ilə Məhəmməd peyğəmbər ailəsinin yaxınlarından çevrilmişdi. İctimai mənşəyi ilə qul olan Yəsar ərəb dünyasının ən üstün şairlərindən birinə, ərəb dünyasında, söz aləmində bir hökmdara çevrilmişdi.

Rafael Hüseynov qeyd edib ki, onuncu yüzilliyin görkəmli ərəb ədəbiyatçısı və musiqiçisi olan Əbülfərəc İsfahanininin 24 cildlik "Nəğmələr kitabı"nda İsmayıl ibn Yəsarin uzun ömür yaşadığı və onun əslən Azərbaycandan olduğu bildirilib. "Nəğmələr kitabı" sayəsində müasir ərəbşünaslar İsmayıl ibn Yəsarın zəngin irsi haqqında zəruri məlumat verir. Kitabda söylənilir ki, Əbdul Malik ibn Mərvan xilafətin başına keçdikdən sonra (685-705) İsmayıl ibn Yəssar Urva əz-Zubeyrə ilə ona mədhiyyələr həsr etmiş və onun ardıcıllarına çevrilmişlər.

Verlişdə vurğulanıb ki, İsmayıl İbn Yəsar ərəbdilli Azərbaycan poeziyasının qüdrətli nümayəndələrindən biridir. Onun "Divan"ı əlimizə gəlib çatmayıb. Şairin şeirlərində poetik obrazlar, bədii ifadə vasitələri yüksək sənətkarlıq nümunəsi kimi qiymətləndirilir.

© Bütün hüquqlar qorunur. Xəbərlərdən istifadə edərkən www.nizamimuseum.az saytına istinad zəruridir.