Azərbaycan Radiosunda Nizami Gəncəvi adına Milli Azərbaycan Ədəbiyyatı Muzeyinin direktoru akademik Rafael Hüseynovun təqdimatında “Axşam görüşləri” proqramının növbəti buraxılışı yayımlanıb.

Budəfəki proqram Azərbaycan Yazıçılar Birliyinin sədri, Xalq yazıçısı Anarın yaradıcılığına həsr olunub.

Akademik Rafael Hüseynov qeyd edib ki, Xalq yazıçısı Anar bu millətə tarixi boyu nəsib olmuş zəkaların ən parlaqlarındandır. 70 ildir ki, o, əli qələmlidir. Bu müddət boyunca Anar öz işığından millətə pay verir: "Azərbaycan insanının neçə nəsli bu işqla tərbiyə alıb, nəsli bu işıqla yol tutub irəliləyib. Anar işığı bu millətin ruhunu səmtləndirən güclər sırasındadır. Bu işıq Azərbaycan insanının varlığına elə qarışıb ki, onsuz bu milləti təsəvvür etmək mümkünsüzdür. Qismətinə belə işıq çıxmış xalq nə xoşbəxt, xalqın ruhunun bir parçasına çevrilmiş Anar nə bəxtiyardır".

Bildirilib ki, canlı klassiklərimizdən olan Anar ömrü boyu söz, musiqi ocağımızın biraz da güclü yanmasına töhfələrini verib. Onun nəğmələri Azərbaycan nəğmələr qatarında on illərdir ki, ürək qapılarını aça bilir. Hələ sabahlar boyu da aça biləcək. 

Verilişi buradan dinləyə bilərsiniz.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.