2024-cü il üçün Mülki Müdafiə tədbirlər planına müvafiq olaraq 18 mart 2024-cü il tarixində Nizami Gəncəvi adına Milli Azərbaycan Ədəbiyyatı Muzeyində «Fövqəladə hadisələrin nəticələrinin aradan qaldırılması zamanı Mülki Müdafiə qüvvələrinin idarə edilməsinin təşkili» mövzusunda rəhbər heyətin mülki müdafiə məşqi keçirilmişdir.
Məşqin keçirilməsində məqsəd rəhbər heyətin və MM qüvvələrinin fövqəladə hallar zamanı fəaliyyətinin hazırlıq səviyyəsini müəyyən etmək, işçilərin fövqəladə hadisələr zamanı davranış qaydaları biliklərini artırmaq, fövqəladə hallar üzrə komissiyalarının fövqəladə hadisələr zamanı qarşıda duran vəzifələrin yerinə yetirilməsinə hazırlığını yoxlamaq olmuşdur.
Rəhbər heyətin mülki müdafiə məşqinin keçirilməsində Səbail rayonu üzrə Fövqəladə Hallar və Mülki Müdafiə şöbəsinin rəisi polkovnik-leytenant Nazir Əkbərov iştirak edərək Muzey əməkdaşlarına fövqəladə hadisələr zamanı davranış qaydaları, xilasetmə və digər təxirəsalınmaz işlərin təşkili mövzusunda çıxış etmişdir. Məşq zamanı qarşıya qoyulmuş məqsədə əsasən nail olunmuşdur.
© Bütün hüquqlar qorunur. Xəbərlərdən istifadə edərkən www.nizamimuseum.az saytına istinad zəruridir.