Azərbaycan Yazıçılar Birliyinin üzvü, “Qızıl Qələm” mükafatı laureatı, detektiv roman yazarı Elxan Elatlı Nizami Gəncəvi adına Milli Azərbaycan Ədəbiyyatı Muzeyinin qonağı olub.

Muzeyin Qədim və orta əsrlər Azərbaycan ədəbiyyatının tədqiqi və təqdimi şöbəsinin əməkdaşı Mehriban Vəliyeva qonağı muzeyin ekspozisiya zalları ilə tanış edərək klassik Azərbaycan ədəbiyyatı nümayəndələri, müasir dövr şair və yazıçıları haqqında ətraflı məlumat verib.  

Yazıçı muzeyin biri-birindən seçilən zallarının onu valeh etdiyini vurğulayıb, hər eksponatı maraqla qarşılayıb. O, muzeyin ən böyük zallarından olan Nizami Gəncəviyə həsr olunmuş zalında dahi şairin ilk portreti, qəbrindən olan nümunələrə heyrətini gizləməyib.

Sonra yazıçı muzeylə bağlı təəssüratlarını “Rəy kitabında” bölüşüb.

© Bütün hüquqlar qorunur. Xəbərlərdən istifadə edərkən www.nizamimuseum.az saytına istinad zəruridir.