Naviqasiya layihəsi üzrə müxtəlif universitetlərdən olan tələbələrdən ibarət nümayəndələr muzeyi ziyarət ediblər.

Muzeyin ekspozisiya zallarını gəzərək Azərbaycan ədəbiyyatı ilə yaxından tanış olan layihə iştirakçıları bütün Şərq ədəbiyyatının inkişafında mühüm rol oynamış klassik Azərbaycan poeziyasının nümayəndələri, eyni zamanda müasir dövr şair və yazıçıları haqqında ətraflı məlumatlandırılıb.

Böyük Azərbaycan şairi Nizami Gəncəvinin yaradıcılığına xüsusi marağa səbəb olub. Görkəmli azərbaycanlı xalçaçı-rəssamların eskizləri əsasında toxunmuş, Nizaminin ecazkar sənət dünyasını əks etdirən nəfis xalçaları, “Xəmsə” motivləri ilə bağlı heykəlləri, dekorativ qabları  və digər eksponatları heyranlıqla seyr ediblər.

Muzeyin müasir Azərbaycan ədəbiyyatına həsr olunmuş zallarında qonağın diqqətini ədəbiyyat tariximizdə nikbin və realist şeirin banisi kimi xatırlanan Molla Pənah Vaqifə həsr olunmuş guşə cəlb edib. O, rus çarı II Yekaterinanın Qarabağ xanı İbrahimxəlil xanın müdrik vəziri Vaqifə qiymətli hədiyyələr, xüsusilə bahalı daş-qaşla bəzədilmiş əsa göndərdiyi haqqında məlumatlandırılıb, Vaqifə aid vitrindəki xatirə əşyalarına tamaşa edib.

Onlar Azərbaycan ədəbiyyatı tarixi ilə geniş şəkildə tanışlıqdan məmnun olduqlarını bildirərək muzeyin “Rəy kitabı”nda təəssüratlarını bölüşüblər.

Tələbələr qeyd ediblər ki, dünyanın bir çox muzeylərini gəzmələrinə baxmayaraq Ədəbiyyat Muzeyinə daha çox heyran oldular. Qonaqlar onları müşayiət edən Beynəlxalq əlaqələr və dünya muzeyləri şöbəsinin əməkdaşı Aysel Bayramovaya təşəkkürlərini bildiriblər.

© Bütün hüquqlar qorunur. Xəbərlərdən istifadə edərkən www.nizamimuseum.az saytına istinad zəruridir.