İsrailin Qüdsdə yerləşən İslam İncəsənəti Muzeyindən gələn qonaqlar Nizami Gəncəvi adına Milli Azərbaycan Ədəbiyyatı Muzeyini ziyarət ediblər. Qüdsdəki İslam İncəsənəti Muzeyinin əməkdaşları Naama Brosh və Daniela Gulanı ekspozisiya ilə muzeyin Məktəblərlə və ictiamiyyətlə iş şöbəsinin kiçik elmi işçisi Nəzrin Yusifova tanış edib.

Qonaqlar Nizami muzeyinin ekspozisiya zallarını böyük maraqla gəzərək buranın Azərbaycanın ədəbiyyatı ilə yanaşı, tarix, mədəniyyət və incəsənətini də özündə ehtiva etdiyini qeyd ediblər. Azərbaycanın İslam mədəniyyətinin qədim və zəngin ənənələrini digər milli azlıqların mədəni irsinə hörmət çərçivəsində yaşatdığını və buranın Şərqin dünyəvi multikultural dəyərlərin qorunduğu ölkələrindən olduğunu məmnunluqla qarşılayan qonaqlar muzey ekspozisiyasına heyranlıqla tamaşa ediblər.

Ziyarətçilər muzey kolleksiyası ilə tanışlqdan sonra onları müşayiət edən N.Yusifovaya ətraflı məlumata görə minnətdarlıqlarını bildirərək öz təəssüratlarını muzeyin “Rəy kitabı”nda qeyd ediblər.

 © Bütün hüquqlar qorunur. Xəbərlərdən istifadə edərkən www.nizamimuseum.az saytına istinad zəruridir.