2024-cü il üçün Mülki Müdafiə tədbirlər planına müvafiq olaraq Nizami Gəncəvi adına Milli Azərbaycan Ədəbiyyat Muzeyində Mülki Müdafiə qüvvələrinin xəbərdarlıq və toplanış məşqi keçirilib.
Tədbirə MM qüvvələrinin komandir-rəis heyəti və MM manqalarının üzvləri cəlb edilib.
Məşqi Muzeyin Mülki Müdafiə Qərargahının rəisi İsmayıl Muxtarov açaraq tədbirin mülki müdafiə tədbirləri planına əsasən təşkil olunduğunu bildirib O, məşqin keçirilməsində məqsədin xəbərdarlıq sistemi vəziyyətinin yoxlanılması, MM qüvvələrinin şəxsi heyətinə xəbərdarlıq və toplanış üzrə vərdişlərin aşılanmasından ibarət olduğunu qeyd edib.
Tədbirdə MM qüvvələrinin şəxsi heyətlə komplektləşdirilməsi, tabel əmlakı ilə təchizatı, qoyulmuş tapşırıqlar üzrə nəzəri bilikləri yoxlanılıb.
Məşqin sonunda nəticələr təhlil edilib, MM manqalarının rəhbərlərinə və üzvlərinə müvafiq tövsiyələr verilib.
© Bütün hüquqlar qorunur. Xəbərlərdən istifadə edərkən www.nizamimuseum.az saytına istinad zəruridir.