Muzey əməkdaşı İlyas Əfəndiyevin 110 illik yubileyinə həsr olunmuş  tədbirdə iştirak edib + Foto May 23, 2024 | 04:29 / Yubileylər

Səbail rayon Mərkəzləşdirilmiş Kitabxana Sisteminin direktoru Nərmin Xəlilova  3 və 6 saylı kitabxana filialları ilə birlikdə görkəmli dramaturq, xalq yazıçısı İlyas Əfəndiyevin 110 illiyi ilə bağlı tədbir keçirib. Hər zaman maraqlı, ənənəvi tədbirlərin təşkili ilə yadda qalan MKS-də İlyas Əfəndiyevin yaradıcılığını əks etdirən kitab guşəsi yaradılıb. Yubiley tədbirinin açılışında yazıçının həyat və yaradıcılığını əks etdirən videorolik nümayiş olunub.

Tədbirdə Nizami Gəncəvi adına Milli Azərbaycan Ədəbiyyatı Muzeyinin  Doktorantura və elmi inkişaf şöbəsinin böyük elmi işçisi, filologiya üzrə fəlsəfə doktoru Sevinc Heydərova “İlyas Əfəndiyev yaradıcılığı Nizami muzeyinin ekspozisiyasında” adlı məruzə ilə çıxış edib. Sevinc Heydərova xalq yazıçısı İlyas Əfəndiyevin yaradıcılığından, Nizami muzeyində yazıçıya həsr olunan və sərgilənən  eksponatlardan bəhs edib. İlyas Əfəndiyevin  “Xurşidbanu Natəvan” və  “Sevgililərin cəhənnəmdə vüsalı” əsərlərini xüsusi qeyd edib.

Sonra tədbirdə iştirak edən AMEA Nizami Gəncəvi adına Ədəbiyyat İnstitutunun şöbə müdiri, filologiya elmləri doktoru Vaqif Yusifli və aparıcı elmi işçi Rasim Nəsiboğlunun, Bakı şəhər Mədəniyyət Baş İdarəsinin nümayəndələrindən Səbinə Məmmədovanın,  İlyas Əfəndiyev adına Elitar Gimnaziyanın direktoru Səadət Cahandarovanın, Prezident təqaüdçüsü, əməkdar artist Məsmə Aslanqızının, yazıçının elmi pasportunu hazırlayan, yazıçı publisist Dilarə Adilovanın çıxışları maraqla qarşılanıb.

Tədbirin sonunda İlyas Əfəndiyevin nəvəsi Nigar Əfəndiyeva maraqlı xatirələrlə çıxış edərək, ailəsi adından təşkilatçılara və məruzəçilərə təşəkkürünü bildirib.  

© Bütün hüquqlar qorunur. Xəbərlərdən istifadə edərkən www.nizamimuseum.az saytına istinad zəruridir.

Video
Faydalı linklər
Facebook