Nizami Gəncəvi adına Milli Azərbaycan Ədəbiyyatı Muzeyinin Məktəblərlə və ictimaiyyətlə iş şöbəsinin elmi işçisi, filologiya üzrə fəlsəfə doktoru Təbəssüm Muxtarova Media Araşdırma Mərkəzi və Azərbaycan Kütləvi İnformasiya Vasitələri İşçiləri Həmkarlar İttifaqı (KİVİHİ) tərəfindən “Heydər Əliyev” fəxri media mükafatı ilə təltif olunub.

O, bu mükafata Ümummilli Lider Heydər Əliyevin 101 illik yubileyi münasibətilə elm sahəsindəki səmərəli xidmətlərinə görə layiq görülüb.

“Heydər Əliyev” fəxri media mükafatı alimə Media Araşdırma Mərkəzi və Azərbaycan KİVİHİ-nin sədri və baş redaktoru Çingiz Qurbanoğlu tərəfindən təqdim  edilib.

Təbəssüm Muxtarova bu sevinci Nizami Gəncəvi adına Milli Azərbaycan Ədəbiyyatı Muzeyinin direktoru akademik Rafael Hüseynov və “Müasir detektiv janrında qəhrəmanın mənəvi aləminin təsviri (Cingiz Abdullayevin yaradıcılığı əsasında)” mövzusunda yaradıcılığını tədqiq etdiyi Azərbaycan Yazıçılar Birliyinin katibi, Xalq yazıçısı Çingiz Abdullayevlə bölüşüb.

© Bütün hüquqlar qorunur. Xəbərlərdən istifadə edərkən www.nizamimuseum.az saytına istinad zəruridir.