Bakıda keçirilən “Avropa Neyroreabilitasiya Cəmiyyətləri Federasiyasının (ANCF) regional görüşü”  və “Neyroproteksiya və Neyroplastiklik Cəmiyyətinin 19-cu konqresi”nin iştirakçıları Nizami Gəncəvi adına Milli Azərbaycan Ədəbiyyatı Muzeyinin qonağı olublar.

Türkiyə, Almaniya, İsrail, Polşa, İtaliya, Macarıstan, Rumıniya, Hindistan, Birləşmiş Ərəb Əmirlikləri və digər ölkələrin neyrocərrahların ibarət nümayəndə heyətinə Avropa Neyroreabilitasiya Cəmiyyətləri Federasiyasının prezidenti, Multidisiplinar Neyrotravmatologiya Akademiyasının baş katibi, Liliu Hatieqanu adına Rumıniya Tibb və Əczaçılıq Universitetinin Neyrologiya departamentinin rəhbəri professor Dafin Muresanu başçılıq edib.

110 nəfərdən ibarət nümayəndə heyəti Nizami Muzeyinin ekspozisiyasını ziyarət edərək Azərbaycan ədəbiyyatının keçdiyi inkişaf yolu ilə yaxından tanış olub. Qonaqlar, həmçinin Azərbaycan xalqının  tarixində mühüm rol oynamış dövlət xadimi, ədib və həkim Nəriman Nərimanov, görkəmli cərrah və ədəbiyyatşünas Cavad Heyət haqqında məlumatlandırılıb, onlara məxsus xatirə əşyaları ilə tanış olublar. 

Ziyarətçiləri Nizami Muzeyi ilə Ekspozisiya şöbəsinin müdiri Tomiris Babanlı və kiçik elmi işçi Humay Həsənzadə tanış edib.

© Bütün hüquqlar qorunur. Xəbərlərdən istifadə edərkən www.nizamimuseum.az saytına istinad zəruridir.