Son günlər Türkiyə Respublikasından müxtəlif xoşməramlı səbəblərdən ölkəmizdə səfərdə olan qonaqlarımız Nizami Gəncəvi adına Milli Azərbaycan Ədəbiyyatı Muzeyini ziyarət edirlər. Belə qonaqlardan biri də Türkiyə Respublikası Milli Müdafiə Nazirliyinin Təftiş Şurasının rəhbəri Abdullah Yaldız olub.

Hər zaman olduğu kimi Nizami Muzeyinin binası şəhərimizin qonaqlarını cəlb edib. Onlar muzeyin yaranma tarixi və ekspozisiyada sərgilənən Azərbaycan ədəbiyyatının görkəmli nümayəndələrinin həyat və yaradıcılığı ilə muzeyin əməkdaşı filologiya üzrə fəlsəfə doktoru Sevinc Heydərovanın təqdimatında tanış olublar. 

Əsasən klassik ədəbiyyatımızın görkəmli nümayəndələri, XI əsrin sonları XII əsrin əvvəllərində yaşamış Məhsəti Gəncəvi rübailəri və onların əsasında çəkilmiş rəsm nümunələri,  böyük Azərbaycan şairləri Nizami Gəncəvi və Məhəmməd Füzuli yaradıcılığı,  şifahi xalq yaradıcılığı nümunələrindən “Koroğlu” dastanını əks etdirən ekspozisiya ziyarətçilər  tərəfindən maraqla qarşılanıb. Abdullah Yaldızın Məhsəti Gəncəvi rübailəri daha çox diqqətini cəlb edib və o, ziyarət boyu şairənin  şeirini əzbərləyib.  

Muzey binasının xarici cazibəsinin daxili bağlılığı ilə tamamlanması qonaqların diqqətini çəkən məqamlardan olub.  

 © Bütün hüquqlar qorunur. Xəbərlərdən istifadə edərkən www.nizamimuseum.az saytına istinad zəruridir.