2024-cü il üçün Mülki Müdafiə tədbirlər planına müvafiq olaraq 20 sentyabr 2024-cü il tarixdə Nizami Gəncəvi adına  Milli Azərbaycan Ədəbiyyatı Muzeyində MM qüvvələrinin xəbərdarlıq və toplanış məşqi keçirilib.

Məşqə hazırlıq mərhələsində məşqin təşkili və keçirilməsi haqqında muzey rəhbərinin əmri verilmiş, məşqin keçirilməsi planı tərtib olunmuş, MM qüvvələrinin şəxsi heyətinin xəbərdarlıq sxemi dəqiqləşdirilmiş, rabitə vasitələrinin vəziyyətinə baxış keçirilmiş və məşqin keçirilməsi ilə bağlı digər təşkilatı tədbirlər görülmüşdür. Məşqin keçirilmə vaxtı və yeri məşqə cəlb olunan əməkdaşlara qabaqcadan elan edilərək məşq iştirakçıları ilə metodiki toplantı keçirilib.

Məşq 20 sentyabr 2024-cü il saat 10.00-dа məşq rəhbərinin MM qüvvələrinin toplanması barədə göstərişi ilə başlanıb. Tədbirdə Muzeyin MM qərargah rəisi  İsmayıl Muxtarov Muzey kimi ictimaiyyətlə sıx bağlı olan obyektin fövqəladə vəziyyətlərdə təhlükəsizliyini təmin etmək üçün xəbərdarlıq və toplanış məşqinin keçirilməsinin mahiyyəti və məqsədi barəsində tədbir iştirakçılarına məruzə edib.

 Xəbərdarlıq və toplanış məşqinin başa çatması barəsində göstərişdən sonra məşqin nəticələri təhlil olundu. Aşkar olunmuş nöqsanların qaldırılması barədə müvafiq göstərişlər verilib.

Məşq zamanı qarşıya qoyulmuş məqsədə əsasən nail olunub.

© Bütün hüquqlar qorunur. Xəbərlərdən istifadə edərkən www.nizamimuseum.az saytına istinad zəruridir.