Bu günlərdə Türk şairi Ekrem Öztürk Nizami Gəncəvi adına Milli Azərbaycan Ədəbiyyatı Muzeyində qonaq olub. Qonağı muzeyin ekspozisiyası ilə  Qədim və orta əsrlər Azərbaycan Ədəbiyyatının tədqiqi və təqdimi şöbəsinin kiçik elmi işçisi Mehriban Vəliyeva tanış edib. O, türkiyəli ziyarətçini Azərbaycan ədəbiyyatının əsas nümunələri ilə məlumatlandırıb.

Muzeyin ekspozisiyası ilə tanış olan, Azərbaycan ədəbiyyat və mədəniyyət nümunələrini  əks etdirən əsərləri böyük maraqla seyr edən Ekrem Öztürk heyranlığını gizlədə bilməyib. Hər bir sənət nümunəsi şairə bu torpağın zəngin ədəbi və mədəni irsini daha yaxından tanıtmaq imkanı yaradıb. Bu mənəvi bağlılığı, şeirə, sənətə vurğunluğunu dilə gətirən Ekrem Öztürk müəllifi olduğu şeirlərdən ibarət “Kar sıcağı”, “Dağarcık dibi” və “Gönül Gözesi”  kitablarını muzeyə hədiyyə edib. Bu kitablarda şairin söz dünyasına səyahəti, türk şeirinə, sənətinə sevgisi  öz  əksini tapıb. İki qardaş xalqın ədəbi bağlarının tərənnümü olan şairin hədiyyəsi muzey üçün maraqlı olub. 

Sonda  Ekrem Öztürk Nizami Muzeyi ilə bağlı təəssüratını “Rəy kitabı”nda bölüşüb.

© Bütün hüquqlar qorunur. Xəbərlərdən istifadə edərkən www.nizamimuseum.az saytına istinad zəruridir.