Mədəniyyət kanalında “Vətənim” verilişinin Azərbaycan peşəkar teatr sənətinin banilərindən biri, tanınmış aktyor və rejissor Hüseyn Ərəblinskiyə həsr olunan üçüncü və dördüncü buraxılışları yayımlanıb.
Veriliş Nizami Gəncəvi adına Milli Azərbaycan Ədəbiyyatı Muzeyinin direktoru akademik Rafael Hüseynovun təqdimatında efirə gedib.
Verilişlərdə Azərbaycan teatrının görkəmli aktyoru Hüseyn Ərəblinskini görmüş, tanımış insanların onunla bağlı xatirələri diqqətə çatdırılıb. Bildirilib ki, Azərbaycan teatrının intibahı Hüseyn Ərəblinskinin adı ilə bağlıdır. Onun dövründə milli dramaturgiyanın mükəmməl nümunələri yaranıb, dünya dramaturqlarının əsərləri Azərbaycan dilində tamaşaya qoyulmağa başlayıb.
© Bütün hüquqlar qorunur. Xəbərlərdən istifadə edərkən www.nizamimuseum.az saytına istinad zəruridir.