Nizami Gəncəvi adına Milli Azərbaycan Ədəbiyyatı Muzeyi Aran filialının müdiri filologiya üzrə fəlsəfə doktoru Yaqut Bahadurqızının AMEA Rəyasət Heyətinin elmi jurnalı olan “Filologiya və sənətşünaslıq” dərgisinin növbəti sayında ”Məhəbbət dastanlarında aşıq və hökmdar qarşıdurması ("Abbas və Gülgəz” dastanı əsasında)” adlı məqaləsi dərc olunub.

Məqalədə məhəbbət dastanlarında aşıq və hökmdar ikiləşməsi mövzusu araşdırılıb. Mövzu “Abbas və Gülgəz” dastanı üzərində tədqiqata cəlb edilib. Təhlil nəticəsində xalqın mənəvi dəyərlərə verdiyi önəm aydınlaşdırılıb.

Qeyd edək ki, jurnalda humanitar elmlər istiqaməti üzrə ədəbiyyatşünaslıq, Azərbaycan ədəbiyyatı tarixi, ədəbiyyat nəzəriyyəsi, müqayisəli ədəbiyyatşünaslıq, folklorşünaslıq, dilçilik, sənətşünaslıq,  mətbuat tarixi və publisistika sahələri üzrə elmi-tədqiqat əsərləri nəşr olunur.

“Filologiya və sənətşünaslıq” elmi jurnalının baş redaktoru AMEA-nın prezidenti, akademik İsa Həbibbəylidir.

© Bütün hüquqlar qorunur. Xəbərlərdən istifadə edərkən www.nizamimuseum.az saytına istinad zəruridir.