2025-ci il üçün Mülki Müdafiə tədbirlər planına müvafiq olaraq 14 fevral 2025-ci il tarixdə Nizami Gəncəvi adına Milli Ədəbiyyat Muzeyində Mülki Müdafiə qüvvələrinin xəbərdarlıq və toplanış məşqi keçirilmişdir.

Məşqə MM qüvvələrinin komandir-rəis heyəti və MM manqalarının üzvləri cəlb edilib. Məşqi Muzeyin Mülki Müdafiə Qərargahının rəisi İsmayıl Muxtarov açaraq tədbirin mülki müdafiə tədbirləri planına əsasən təşkil olunduğunu, məşqin keçirilməsində məqsədin xəbərdarlıq sistemi vəziyyətinin yoxlanılması və MM qüvvələrinin şəxsi heyətinə xəbərdarlıq və toplanış üzrə vərdişlərin aşılanmasından ibarət olduğunu qeyd edib. Daha sonra Yanğınsöndürmə manqasının komandiri Pərviz Ələsgərov tədbirdə iş yerlərində yanğının yaranmasının qarşısının alınması mövzusunda çıxış edərək şəxsi heyəti yanğın təhlükəsizliyinə dair təlimatlandırdı. 

Tədbirdə MM qüvvələrinin şəxsi heyətlə komplektləşdirilməsi, tabel əmlakı ilə təchizatı, qoyulmuş tapşırıqlar üzrə nəzəri bilikləri yoxlanmışdır.

Məşqin sonunda məşqin nəticələri təhlil edilib MM manqalarının rəhbərlərinə və üzvlərinə müvafiq tövsiyələr verilib.

Məşq zamanı qarşıya qoyulmuş məqsədə əsasən nail olunmuşdur.

© Bütün hüquqlar qorunur. Xəbərlərdən istifadə edərkən www.nizamimuseum.az saytına istinad zəruridir.